Kumpletong salaysay — Basahin Ang Banggit Na Peklat Sa Ilalim Ng Bayag Mula Sa Pagkuryente

ANG MGA ABUSONG ITO ALAM NI HEPE EVANGELINE SANTOS!

Mga Kasama Sa Pag-Torture: Lima Pang Katulisan Kapulisan

Bisitahin Muli Ang BINANGONAN PNP Viral Torture Video Dito.

Basahin at panoorin dito ang Part 1 at Part 2.

Salaysay Ni Jervy Sa Torture Ng Katulisan Kapulisan NG BINANGONAN PNP

MULA SA VIRAL TORTURE NIGHT, UMABOT NG APAT NA ARAW PA, BAGO PA DINALA SI JERVY SA KULUNGAN AT PATULOY ANG TORTURE KAHIT NA NAKAKULONG NA SYA

ALAM NI HEPE: “…dahil tumawag ang kanilang hepe na tapos na ang searching, tama na ang pananakit sa akin…”

Nang kami ay nasa loob na, inutusan ako ni Jucy na bumiling alak sa tindahan na nasa harapan ng bahay ni Jeric Payuyo.

Paalis na ako at lalakad na ay biglang may sumakal na galing sa aking likod. Napag-alaman ko na ito ay si Bok dahil sa kanyang boses nang utusan niya si Jucy na kumuha ng tali para hindi ako makatakas.

Nang nakatali na ako ay may kinausap silang isang babae na nakilala ko sa alias na “Honey”, bagamat hindi ko kilala ang kanyang tunay na pangalan ay kilala ko siya.

Sinabi nina Jucy at Bok kay honey na “tawagan mo na si Sir Delos Santos. Nahuli na namin si Jervi, Baka makatakas pa.” At tinawagan ni Honey ang mga pulis gamit ang cellphone. 

Mga bandang alas 11 ng gabi noong April 21, 2024, dumating sina”Sir Delos Santos” na naka kulay itim at si “Sir Liberato” na nakajersey. Makikita ito sa mga ipinadalang video sa inyong opisina, na kuha sa isang CCTV, ng asawa ni “Ambo”, na kasama ko dito sa Binangonan jail . Ito ay kuha sa CCTV mismo nina Jeric Payuyo na may-ari ng bahay sa Barangay Lunsad, Binangonan, Rizal.

Ako ang lalaking makikita sa video na walang awang binubugbog ng dalawang nakasibilyang pulis habang nakatali. Pinagsisipa at pinagsusuntok din nila ko nang walang, kalaban-laban.

Pagkatapos nito, tinawagan nila ang driver ng kanilang service na kulay puting L-300 van na luma at isinakay ako dito at sabi ni Sir Delos Santos na “sa barracks na lang ituloy at baka may makakitang ibang tao.” Dinala na nila ako sa kanilang barracks sa Barangay Tayuman sa may LTO, mas kilala sa tawag na bagong palengke.

Nang madala na nila ako sa kanilang barracks ay pinosasan nila ang aking mga paa at kamay at ipinasok sa kulungan doon sa barracks na may kulay puting rehas. Sa mga pagkakataong iyon, ako ay nakaramdam ng takot sapagkat di ko alam kung mabubuhay pa ako. Ilang sandali pa ang lumipas, pinataas nila ang aking mga kamay habang ako ay nakaposas at pinagsusuntok ako ni Sir Liberato sa tagiliran.

Part 2 of 3

Pagkatapos niya akong saktan, sinabi ni Sir Liberato sa kanilang driver na ang pangalan ay “JR”, “Pagpahingahin mo muna yan, antayin nya ang sir nya na si Sir Eugene Dela Cruz at may laban pa yan bukas.” 

Kinabukasan, April 22, 2024, bandang hapon, dumating si Sir Eugene Dela Cruz dala ang heavy duty na adaptor para maisaksak ang gagamitin nilang pangkuryente sa akin at sinabi pa na “O, ginastusan ka pa namin ng 45 pesos ha”.

Maya-maya pa ay pinahiga ako ni Dela Cruz habang nakaposas ang aking mga paa sa rehas at ang aking mga kamay ay nakaposas din. Tinalian din ako ni Dela Cruz sa buong katawan ko ng lubid na kulay puti at binuhusan niya ako ng tubig, habang nakapaligid din sa akin ang ibang kasamahan niyang pulis na sina, “Sir Gomez“, “Sir Adoc” at “Sir Liberato“, Nilagyan ni Dela Cruz ng helmet ang aking ulo at dun na nila ako inumpisahang kuryentehin sa paa.

Nang kinukuryente na nila ako, sobrang panginginig ng katawan ang aking nararanasan at sa tuwing napapasigaw ako habang kanilang kinukuryente ay pinatitigil nila ako dahil ulitin daw nila ang pagkuryente nila sa akin. Dapat ay wala daw silang marinig sa akin para itigil nila ang kanilang ginagawang pagkuryente. Halos isang oras at kalahati nila akong kinukuryente.

Sa bawat may papasok na kasamahan nila na sina “Sir Duerme“, “Sir Sto. Nino” at “Sir Gomez“, pinagsasalit-salitan nila akong paluin ng bakal na baseball bat sa ibaba ng aking pige at aking ulo bagamat may helmet. Pinapalo din nila ako ng golf stick sa daliring kamay at daliri ng paa.

Noong April 23, 2024. kinabukasan ng madaling araw, nag iinom sina “Sir Delos Santos” at “Sir Duerme” sa barracks, tinawag nila ang driver nita na si “JR” at inutusan na isaksak na ang pangkuryente at kukuryentihin daw nila ulit ako. Habang kinukuryente nila ako ay pansin ko na vini-videohan nila ako at ang sabi nila ay magnanakaw daw ako.

Sa pagkakataong iyon, ay kinuryente naman nila ako sa batok, sa singit malapit sa aking itlog, bayag, sa kamay at sa braso habang, ang aking kamay ay nakasabit sa bandang itaas ng rehas na hindi nakatapak ang aking mga paa sa sahig, hanggang sa mawalan ako ng malay at nang magising ako ay wala na akong short.

Part 3 of 3

Bagamat isang taon na ang lumipas nung mangyari at naghilom na ang mga sugat, bakas pa din ang ilang mga pilat sa aking katawan ng mga ginawa nilang pananakit sa akin katulad ng peklat sa batok, sa braso, singit at ilalim ng aking itlog o bayag.

Nang magising na nga ako ay pilit nila akong, pinaaamin na ang sabi ni Sir Delos Santos at Sir Eugene dela Cruz na “Umamin ka na sa pagnanakaw na ginawa mo.”

Noong April 24, 2024, kasama ang mga intel na pulis, pinuntahan namin si Normandy Pasay. Pagkahuli nila kay Normandy ay ibinalik nila muli kami sa barracks at doon ay muli nila akong binugbog at pagkatapos nila akong bugbugin ay dito na nila kami dinala sa Binangonan Municipal Police Station Custodial Facility at pormal na kinulong.

Nang magpapamedical na ako noong April 24, 2024, ang sabi sa akin ni Sir Sto Nino, “Pag tinanong ka ng doctor kung bakit ka may sugat at iika-ika ang sabihin mo ay mag-uuling ako kaya may mga sugat ako“.

Noong nakakulong na ako sa lock up ng Binangonan, pag mag sesearching ay pinatatawag nila ako sa loob, doon ako hahatawin ng paddle na kahoy sa aking braso, binti at iba’t iba pang, bahagi ng aking katawan nina Sir Liberato“, “Sir Sto. Nino“, “Sir Dela Cruz” at “Sir Adoc“.

Noong huling searching na nasa lock-up ako, pinatawag muli ako sa loob at binugbog ulet ako ni Sir Dela Cruz. Tinadyakan sa mukha at kung ano anong pananakit ang aking naranasan. Nang muli akong kukuryentehin sa loob ng lock-up ni Sir Dela Cruz, pinigilan siya ni Sir Sto. Nino dahil tumawag ang kanilang hepe na tapos na ang searching, tama na ang pananakit sa akin at baka may makakita kaya hindi na natuloy ang pagkuryente sa akin.

Dahil sa aking takot kaya habang nasa Custodial Facility ako ng mga pulis ay hindi ako makapagsumbong kaya makalipas lang ng isang taon pagkalipat ko dito sa Binangonan BJMP saka pa lamang ako nakapagsumbong.

Larawan Ng Sinumpaang Salaysay

KILALANIN ANG MGA KASANGKOT

Basahin ang mga pangalan ng lima pang Binangonan Katulisan Kapulisan at intindihin sa Parts 2 and 3 of 3 kung paano sila naki-torture kay Jervy. Tandaan ang mga kahayupan ng mga Katulisan Kapulisan ng Binangonan PNP sa pag-torture kay Jervy.

---

#AbusoNgGoberyno

Makiisa! Pumirma Sa Petisyon Ng Taumbayan Ngayon.